منتديات المستقبل

منتديات إسلامية و صور و أفلام و برامج أختراق
 
الرئيسيةالرئيسية  مكتبة الصورمكتبة الصور  الأعضاءالأعضاء  بحـثبحـث  التسجيلالتسجيل  دخولدخول  البوابهالبوابه  

شاطر | 
 

 ( مشاهد من كتاب البنت )

اذهب الى الأسفل 
كاتب الموضوعرسالة
محمود مغربى
عضو جديد
عضو جديد
avatar

عدد الرسائل : 11
العمر : 56
البلد : مصر - قنا
تاريخ التسجيل : 14/02/2008

مُساهمةموضوع: ( مشاهد من كتاب البنت )   الخميس أغسطس 21, 2008 12:55 pm


( مشاهد من كتاب البنت )

للشاعر/ محمود مغربى


(1)

البنت
الساكنه فى آخر مشهد كراستى
إمبارح بس!
فتحت لى كتاب الكون..،
وكان متهيألى
هيكون متفصل على كدى..
أتارينى كنت أهبل
مخدوع
مش عارف أن الكون مفتوح
مفتوح!

(2)


ف بلدنا
واقف على أعلى طرطوفة المشهد
وف عينى نضارة ميدان..
بتأمل..
ياه ....
.....
.....
.....
ياه ...!!
المشهد دخلنى متاهة
وعشان اتخلص من توهتى..
قلّعت عيونى..
ورميت بدنى فى ضل الحيط !

(3)


ف بلاد برّه
المطره شئ عادى
بتصادق كل الشبابيك
وتملّى بترقص فوق أسفلت الشارع
وكمان بتعاكس شعر البنت الشقرا بحنان
وساعات بتشده بجنون
لكن فى بلدنا
أقصد فى صعيد المحروسة
لمّا تزورنا المطره..
تتحزم بجنازة
وتغنى ب بوووووووووووووووووووه !


(4)

الطفل الساكن جوّايا
وف طرف الشارع لابد
متخبى من عين شبابيك الحارة السد
الطفل الساكن مستنى
من وقت طويل مستنى
فوق إيده شايل روح بتهفهف،
وعلى طرف لسانه
كروان حزنان..
مش عارف يغنى !

(5)


فى عينكى حلاوة أمبارح
وامبارح لملم خلقاته من بدرى
رغم انه وعدنى حقيقى..
راح يستنانى
ويتبنانى لوحدى
ولوحدى كمان ...
يفتح لى شبابيك المشهد ..
والمشهد واقف فى البعد حزين
مستنى ..
مستنى
وأنا وانتى عصافير
بتحب تغنى
وكمان ...
بتحن كثير للمشهد !
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.magrapy2007.jeeran.com
زائر
زائر



مُساهمةموضوع: رد: ( مشاهد من كتاب البنت )   الجمعة سبتمبر 12, 2008 4:26 pm


دمت مبدعا شاعر العامية محود مغربى
كم أن أبياتك تنبض حنانا ورقة ورفق أشبة برفق القوارير الذى أوصانا به رسول البشرية علية الصلاة والسلام
فراعاك الله للامجاد زخرا
الرجوع الى أعلى الصفحة اذهب الى الأسفل
محمود مغربى
عضو جديد
عضو جديد
avatar

عدد الرسائل : 11
العمر : 56
البلد : مصر - قنا
تاريخ التسجيل : 14/02/2008

مُساهمةموضوع: رد: ( مشاهد من كتاب البنت )   الأربعاء مايو 20, 2009 2:05 am

خديجة فيصل كتب:

دمت مبدعا شاعر العامية محود مغربى
كم أن أبياتك تنبض حنانا ورقة ورفق أشبة برفق القوارير الذى أوصانا به رسول البشرية علية الصلاة والسلام
فراعاك الله للامجاد زخرا




شكرا للاخت العزيزة خديجه
دمت وارفة النقاء
مودتى


مغربى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.magrapy2007.jeeran.com
 
( مشاهد من كتاب البنت )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المستقبل :: :::::::&::::::: القسم الأدبى :::::::&::::::: :: منتدى الشعر-
انتقل الى: